MBUNGE LUGANGIRA AFANIKISHA MAFUNZO KWA MABALOZI 227 WA CCM

Mabalozi 227 wa Chama Cha Mapinduzi; CCM, Bukoba Mjini wamenufaika na mafunzo yaliyotolewa katika semina iliyoandaliwa na Mbunge wa Viti Maalumu, Neema Lugangira kuhusu Sheria za Uchaguzi na Vyama Vya Siasa, Kanuni za Uchaguzi wa Serikali za Mitaa na Ushiriki wa Wanawake katika Siasa

Aidha, wakati wa semina hiyo, Cde Issa Haji Gavu, Katibu wa Halmashauri Kuu ya CCM Taifa (NEC) - Oganaizesheni aliongea moja kwa moja na mabalozi hao kupitia simu ya Mbunge Lugangira na kujibu hoja zao na kupokea Salaam za Mhe Rais Dkt Samia Suluhu Hassan kutoka kwa Mabalozi wa CCM wa Bukoba Mjini.

Lugangira akitumia simu yake kuwasiliana na Katibu wa NEC Oganaizesheni, Issa Haji Gavu.

Semina hiyo iliyoandaliwa kwa ushirikiano na Shirika la Omuka Hub na FES Tanzania, ilihudhuriwa pia na Shaban Mdoe, Katibu wa CCM Bukoba Mjini na Hadija Mkelenga, Katibu wa UWT Bukoba Mjini ambao pia walitoa mada.

Mbunge Neema Lugangira akishiriki kutoa mafunzo hayo.

Sehemu ya mabalozi hao.